Source:http://www.swahili.people.cn/n3/2026/0105/c416673-20410374.html

Kipindi cha "Kuielewa China", kilichoandaliwa na People's Daily Online, kinalenga kufafanua mipango, fursa, na utawala wa China, kuondoa uelewa potofu, na kuongeza uelewa wa kina na utambuzi kati ya watazamaji waChina na wa kimataifa kupitia mazungumzo ya kina kati ya wasomi wa China na wa kigeni.

Uundaji wa kisayansi na utekelezaji usiositishwa wa mipango ya miaka mitano ya China vinawakilisha mbinu muhimu katika utawala wa Chama cha Kikomunisti cha China (CPC) na hutumika kama dirisha muhimu kwa jumuiya ya kimataifa kuelewa ujenzi wa mambo ya kisasa wa China.

Kipindi hiki cha "Kuielewa China" kinaonesha mazungumzo kati ya Liu Hongwu, Mkurugenzi wa Taasisi ya Masomo Kuhusu Afrika katika Chuo Kikuu cha Ualimu cha Zhejiang, na Yoro Diallo, mtunukiwa wa Tuzo ya Urafiki ya Serikali ya China ya mwaka 2024, Mtafiti Mwandamizi katika Taasisi ya Masomo Kuhusu Afrika katika Chuo Kikuu cha Ualimu cha Zhejiang, na Mkurugenzi wa Jumba la Makumbusho ya Afrika la taasisi hiyo. Kwa pamoja, wanachambua kwa kina faida za mbinu ya "kuona mpango wa jumla hadi mwisho" na kubainisha hali ya uhakika na utulivu ambayo mipango ya miaka mitano ya China inaleta kwa dunia.

Diallo amesisitiza kwamba ili kuielewa China, watu wanahitaji kuelewa kwa kina historia yake na historia ya CPC. "Unapojua kuhusu China," ameelezea Diallo, "utaelewa namna maendeleo ya China yanavyotegemea mipango ya miaka mitano."

Diallo anaamini kwamba China kila mara bila kubadilika inatoa kipaumbele cha juu kwa ustawi wa watu wake, ikitoa uzoefu muhimu wa maendeleo kwa Nchi za Dunia ya Kusini. "Utekelezaji usiositishwa wa mipango ya miaka mitano ya China umeunda muujiza. Ni tunda la kufanya kazi kwa bidii, kupanga, na utawala bora."

Liu ameeleza kuwa bila kujali mabadiliko ya nje, China haijawahi kusahau au kubadilisha matarajio na mipango yake ya awali. "Kwa sababu hii, tunafanya kazi kizazi baada ya kizazi."

Liu amerejelea msemo wa Kichina "Fan Shao Bing," ambao unamaanisha kubadilika kila mara kama kugeuza pancake, ili kusisitiza umuhimu wa kufuata mpango. "Hata kama sera yenyewe ni nzuri, kamwe huwezi kufanikiwa kama ukibadilisha mipango yako kila mara," amesema Liu.

Diallo amekanusha madai ya baadhi ya vyombo vya habari vya nchi nyingine kwamba mipango ya miaka mitano ya China ni "uingiliaji kupita kiasi wa serikali katika soko."

"Ninaamini mwongozo wa kitaasisi wa China katika sera za kisiasa, kiuchumi, na kijamii ni wenye faida bora," amesema.

Mwongozo huu unaelekeza njia kwa watu, bila kuzuia mizunguko yao, ukiwaruhusu kufuata kwa huria fursa za maendeleo.

Liu ameunga mkono sana hoja ya Diallo, akiongeza kuwa mipango ya miaka mitano hutumika kama mwongozo kwa watu, si uingiliaji kati.

Mapendekezo ya Mpango wa 15 wa Miaka Mitano (2026-2030) yanasisitiza kupanua ufunguaji mlango wa kitaasisi kwa kasi tulivu, hivyo kuchangia fursa na kukuza maendeleo ya pamoja na nchi duniani kote. Diallo amesema kwamba Mpango wa 15 wa Miaka Mitano utaandika ukurasa mpya katika ujenzi wa mambo ya kisasa wa China.

"Mpango huu mpya wa miaka mitano pia utachangia katika kujenga ushirikiano kati ya Afrika na China, na kuisaidia Afrika kutimiza mpango wa 'Ajenda ya 2063,' unaojulikana kama ndoto ya Afrika," amesema Diallo. Anaamini kwamba Mpango wa 15 wa Miaka Mitano utaongeza mafanikio zaidi kwa kile ambacho Afrika na China zinafanya pamoja.